لين أشرقت شمس يومي قلت ياربي...
تجعل لنا في نهاية يومنا هذا خيره...
وافرج هموم مع الدنيا تراكم بي...
وحرمان خل هجرني زادني حيره...
لاجيت ابسلي مع السالين تشتبي...
نار بجوفي واعاف الناس والديره...
ولين اقبل الليل جا الهاجوس يلعبي...
والخاطر المنكسر وشلون تجبيره...
اشوف انا الناس وكل مايبي قربي...
واول وكل يبي شوفي وتدويره ....
يوم ان مالي علي من شفت ينكبي...
قد كان غيري يجسب لقمة بعيره...
يالله يااللي تعرف السر والمخبي...
يامالك الكون بين يدك تدبيره...
ياجاعل المزن فوق الخلق تنصبي...
يارازق الناس من فضله ومن خيره...
يالمعطي الباسط الوهاب تنظر بي...
يامغنيي مااطرالي اشكي لغيره...
يالله ياالعاجل الرواف ترأف بي...
وتمدني من عطا جودك وتيسيره...
وترد خل عطا الهجران واسرف بي...
خل فراقه علي ياصعب تصويره...
حبه بري الحال وفراقه شغف قلبي...
يوم انه اقفي مع المقفين في السيره...
هذا بجاه النبي واسماك ياربي...
يافارج كرب يونس بعد تيسيره...
موضوع: يالله يالعاجل الرواف ترأف بي... 
السبت أكتوبر 11, 2008 5:47 pm
