k.s.a.starbucks



 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ثلاث سنين انا .....

اذهب الى الأسفل 
كاتب الموضوعرسالة
dlo0o3t_mame
عضو نشيط
عضو نشيط
avatar

المساهمات : 68
تاريخ التسجيل : 04/06/2008
العمر : 27

مُساهمةموضوع: ثلاث سنين انا .....   السبت يونيو 07, 2008 4:48 am

ثلاث سنين انا اخطط لهذا اليوم يابو سعود
تيسر حالي وجاهز اوَفي وعدي بوقته
وفجأة جتني تعتذر..تقول تأخرت لوعود
وانا مستغرب واسمع كأني وعدها خنته !!
حسبت انها تمازحني وتتصنع جفا وصدود
ضحكت بوجهها من قلب..مع انها بايخه النكته
وقالت ارضى بالواقع..قلبي ماهو المعهود
تغير كل شي صوبك..نصيبي ماأظن انته !!
كنت فـ يوم محبوبي ولكن ماأظن نعود
وصل من قبل ماتوصل..وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله..ولاكلمته ولاشفته
صراحه أهلي قالوا لي بأنه ولد أصل وجود
وجتني امَه بالصوره..وبكلمات المدح أخته
سكت وقلت هي فرصه مدام الجود في الموجود
وقالوا كل من حولي علامات الرضا سكته
وانا فكرت دام امَه واخته ماعليهم زود
اكيد اني براضيهم اذا وافقت واخترته
واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته
ولا أقدر اغيرها..ترى عند العرب منقود
اوافق واعتذر باجر واقول الراي غيرته !
تبي تشرح لي المنقود..تصدق عاد يابو سعود ؟
تبيني اقتنع وارضى بحالٍ عمري ماعشته
انا ماني بقايلها..عسى يفرش ثراها ورود
بعد ما حطمت قلبي وطعم الموت جربته
عسى بفستانها اشواك..وفي ثوبه عقارب سود
ونارٍ تحرق الكوشه وتحرق بيتهم حتى
وموت بليلة الدخله يبرد حرتي ياكود
ولا احس انها بحضنه يلامس خدَ لامسته
عليَ أهون إذا ماتوا ولابنفس السرير رقود
ترى صعبٍ عليَ اتخيل اللي ماتخيلته
عسى قاع الثرى يقسى ويتحوَل صخر جلمود
وحفَار القبر يرفض يسوي فوق مقدرته
ترى دفنه عديم الذات تلوَع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبلٍ من مسد ممدود
يعلقهم من أطرافه وفوقه نارٍ وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردة فعل والله ابشري بردود
بدعي دامني حيٍ وبغرس للدعا نبته
وبسقيها نزيف القلب ودمعٍ مارحم لخدود
وتكبر والثمر ثاري من اللي خانني وصنته
انا نذرٍ عليَ اكتب وافجَر هالقصيد رعود
واسمَع كل بشر صوتي عجبته ولا زعلته
واردد للي يسمعني..اذا حبيت (حط حدود )
انا حبيت دون حدود وشوف اللي تكبدته
ثلاث سنين انا ابني وجت (صوره) بكل برود
خذت مني شقى عمري وحلمٍ (قلت حققته) !!!
ثلاث سنين انا اخطط لهذا اليوم يابو سعود
وتوافق من كلام اخته..وصوره (4 فــ 6 )

وسلامتكم..

منقــــــــــول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اميره بكلمتي
مشرفة قسم همس القوافي
مشرفة قسم همس القوافي
avatar

المساهمات : 195
تاريخ التسجيل : 23/05/2008

مُساهمةموضوع: رد: ثلاث سنين انا .....   السبت يونيو 07, 2008 12:14 pm

تسلم يدينك ياعسل ع الشعر الروعه...




ونتظر جديدك ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مضيعه شباصتا
عضو نشيط
عضو نشيط
avatar

المساهمات : 61
تاريخ التسجيل : 25/05/2008

مُساهمةموضوع: رد: ثلاث سنين انا .....   السبت يونيو 07, 2008 2:04 pm

[b]وااااااااااااااااااااااو
تسلمييييييييييييين
جنااااااااان امووت على الشعرهذا تسلمين قلبي[/
b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سٌعودية في هوآها
Admin
avatar

المساهمات : 326
تاريخ التسجيل : 12/05/2008
الموقع : من بيتنا الموقر

مُساهمةموضوع: رد: ثلاث سنين انا .....   الإثنين يونيو 09, 2008 3:15 am

اقتباس :


صح لسانك دلوعه الله لايحرمنا منك

فديتك ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ksastarbox.mam9.com
 
ثلاث سنين انا .....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
k.s.a.starbucks :: منتدى القصيد وهمس القوافي-
انتقل الى: