k.s.a.starbucks



 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 سنه سنتين اللي يهم أشوفك ثاني قبالي ..

اذهب الى الأسفل 
كاتب الموضوعرسالة
dlo0o3t_mame
عضو نشيط
عضو نشيط
avatar

المساهمات : 68
تاريخ التسجيل : 04/06/2008
العمر : 27

مُساهمةموضوع: سنه سنتين اللي يهم أشوفك ثاني قبالي ..   الثلاثاء يونيو 24, 2008 3:36 am

كفاية صار لك شهرين غايب عني يالغالي ..
كفاية يا أعز الناس ترى والله ما أقدر


أبتحمل عنا فرقاك وحالي يرثي لحالي ..
مع إني والله لين اليوم مدري ليش بس تهجر

أبى أعرف شالسبب أرجوك وش اللي بس يجرالي ..
أنا اش سويت يا ربي عشان تثور وتتفجر

أنا والله ما استاهل أبد كل اللي يجرالي ..
أقل ما فيها بس قلي سبب خلاك تتغير

عطيتك قلبي وروحي وهبتك حالي ومالي ..
حملت إحساس هالدنيا وعطيته لك وأنا افخر

عشقتك عشق لا قبله ولا بعده انعشق تالي ..
هويتك موت واتخيل إلين الموت واتصور

وإذا جاني مسج منك مخزن رقمك الغالي ..
ولا امسح رسالاتك اتم اقراها وأفكر

واحلل كل كلمة بالمسج الله يا غربالي ..
وأقول بخاطري معقوله حاسس فيني ويشعر

وأرد أقول لأ يمكن تذكرني وهو سالي ..
لأني توني مطرش مسج طرش مسج يتشكر

وأرد أقول لأ أدري يبيني وحاسس بحالي ..
وأرد أقول لأ ما اظن على باله أنا أخطر

إلين إني أنا اتأكدت قلبه بالفعل خالي ..
ولا غيري أنا بقلبه يحبني موت ويقدر

لأني مره من المرات طرت فكرة على بالي ..
نويت أزعل بدون أسباب وأشوفه لو بيتأثر

أبعرف قدري بقلبه يهمه وضعي الحالي ..
أو إنه راح يطنشني ولا يسأل ويستفسر

وفعلاً دق وما جاوبت حرقي لي والله جوالي ..
3 آلاف مرة دق وأنا مطنش ولا معبر

كتب لي بالمسج إطلع أنا عند بابك لحالي ..
قسم بالله ما تطلع لاخربها أنا واحذر

مشكلتي أعرفه زين يسويها ولا يبالي ..
نزلت وخاطره مكسور يقول اشفيك متغير

وقلت بس أبي اتأكد إذا قدري معك عالي ..
ضحك لي وقالي إتاكد ودمعه بلل المحجر

وطارت فيني الدنيا لمكاني صاحبي جالي ..
تعذر لي وأنا الغلطان وانا اللي لازم اتعذر

بعدها عشنا أحلى أيام بقربه يا هنيالي ..
وصلنا لمرحلة ما نفترق عن بعضنا وأكثر

وبعدها فجأة خلاني ولا يسأل عن أحوالي ..
وأنا في خاطري أدري محال في يوم يتغير

أدق له ما يجاوبني بديت أشك في حالي ..
أخاف إنه حصل له شي أخافه بس متكدر

لعب في قلبي الوسواس خياله ما تهيالي ..
حوالي ألف مسج طرشت حبيبي يا عسى ما شر

لا جاوب وأنا قاعد على أعصابي وغربالي ..
حبيبي صار له أسبوع فيني حتى ما فكر

إلين إني عرفت إشلون أخلي خلي الغالي ..
يكلمني وجت فكرة بعد ما مت وأنا أفكر

وفعلاً.. إتصل فيني وبدت أحزاني وأهوالي ..
وكانت صدمتي كبيرة علي الغالي يتغير

سألته قلت له وش فيك ما من شر يالغالي ..
وش اللي صار بالدنيا علامك ليش متبعثر

أو إنك يعني ما تدري بدونك صرت أنا لحالي ..
ولالي خلق أي إنسان كثر ما فيك أنا أفكر

وجاوبني وقال أرجوك ابي هالدنيا تصفالي ..
أنا مليت من وضعي وأشوف الكل متغير

أنا ضاقت بي الدنيا وأبي أبقى أنا لحالي ..
خلاص أتركني لا تسأل وأنا برجع عقب أشهر

وقلت له مو علي تكذب أعرفك تضعف قبالي ..
تكلم قول شالموضوع بدا قلبي يدق أكثر

سكت لحظة وقال أرجوك ابعد عني يالغالي ..
وخلني أذكرك بالخير وانت مثلي اتذكر

ولا تطرش مسج واحد ولا تدق لي أبد تالي ..
وإذا لي خاطر عندك لا تتكلم أبد سكر

وقلت له والله ما أسكر إلين تقول وتصفالي ..
وقالي والله ما اتكلم ولو تبكي دمع أحمر

ولكن شوف ربعك وأنت تعرف بس وش جالي ..
خلاص افهمها عالطاير ولا تحرجني بعد أكثر

وسكر والدمع فيني على الخدين همالي ..
قسم بالله ما أدري علامه قلبه اتحجر

فؤادي انهار وأنا حملي يهد جبال وجبالي ..
في لحظة صارت الدنيا في عيني هالكبر وأصغر

حسافة ما توقعته يصدق فيني عذالي ..
حسافة ما هقيته يوم يصد عني ويتغير

بعدها صار لي ما صار وربي يعلم بحالي ..
فؤادي باقي بس شوي وأحسه من الجسم يظهر

بديت اعرق ما أدري ليش خابت كل آمالي ..
أنا اتوقعت كل الناس ولا اتوقعت اهو ينكر

وقلت بخاطري خله مصيره يرجع الغالي ..
أكيد إنه سمع أي شي وجوه صار متعكر

ولكن طول غيابه وزادت فيني اعلالي ..
مرض قلبي وتعب فكري وأحسه جسمي متخدر

وقلت خلني أطرش له مسج وأشكي له أحوالي ..
وطرشت المسج وشوي دق لي ودون ما أفكر

هلا والله يا أغلى الناس هلا والله بالغالي ..
ألو طارق ما قلت لك لا تذكرني أو اذكر

أبي بس أذكرك بالخير ياخي خلني في حالي ..
وقلت وخاطري مكسور أنا آسف وما أكرر

قسم بالله إلين اليوم وحالي يرثي لحالي ..
قسم بالله إلين اليوم ولا أدري ليش هو تغير

قسم بالله ما غضت عيوني ولا هدى بالي ..
قسم بالله ما يوم إلا وفيه أنا أفكر

قسم بالله قلت بنساه بس طيفه يتهيالي ..
قسم بالله لو حاولت أنا أنساه أتذكر

إلين اليوم أنا عندي أمل يرجع ويصفالي ..
أقول الشوق بيرده على فرقاي ما يقدر

إلين اليوم ضحكاته وبسماته على بالي ..
إلين اليوم ما أرقد كثر ما فيه أنا أفكر



أبى أعرف شالسبب أرجوك وش اللي بس يجرالي ..
أنا اش سويت يا ربي عشان تثور وتتفجر

أنا والله ما استاهل أبد كل اللي يجرالي ..
أقل ما فيها بس قلي سبب خلاك تتغير

أنا راح انتظر ردك ولو حتى بمسج خالي ..
وإذا ما جاني منك الرد عشان العشره انا راح أصبر

سنه سنتين اللي يهم أشوفك ثاني قبالي ..
ثلاث سنين أو أربع أبصبر يعني راح أصبر

يهون إنك تخليني ولا تسأل ولا تبالي ..
يهون إنك تنام الليل وتتركني أنا أسهر

كفاية صار لك شهرين غايب عني يالغالي ..
كفاية يا أعز الناس ترى والله ما أقدر


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فرابتشينوا
المراقب العام
المراقب العام
avatar

المساهمات : 109
تاريخ التسجيل : 13/06/2008
الموقع : فرابتشينوا

مُساهمةموضوع: رد: سنه سنتين اللي يهم أشوفك ثاني قبالي ..   السبت يوليو 12, 2008 5:08 pm

الله يعطيك العافيه دوم يارب العافيه مو يوم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القنااااااصه



المساهمات : 7
تاريخ التسجيل : 25/06/2008

مُساهمةموضوع: رد: سنه سنتين اللي يهم أشوفك ثاني قبالي ..   الثلاثاء يوليو 22, 2008 10:41 am

رووووووووووووووووووووعه
مرررره خطيره

تسلمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الهمس
عضو ممتاز
عضو ممتاز
avatar

المساهمات : 30
تاريخ التسجيل : 11/07/2008

مُساهمةموضوع: رد: سنه سنتين اللي يهم أشوفك ثاني قبالي ..   الجمعة يوليو 25, 2008 8:36 pm

الله يعطيك العافيه من جد تجنن
يسلموووووووووووووو
ننتظر المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عسوله*_*

avatar

المساهمات : 21
تاريخ التسجيل : 27/06/2008

مُساهمةموضوع: رد: سنه سنتين اللي يهم أشوفك ثاني قبالي ..   الجمعة أغسطس 01, 2008 12:03 pm



تسلميييييييين


أختي



تقبلي مروري بين صفحاتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ستار بوكس
مشرفة قسم الصور
مشرفة قسم الصور
avatar

المساهمات : 129
تاريخ التسجيل : 14/05/2008
الموقع : ستار بوكس

مُساهمةموضوع: رد: سنه سنتين اللي يهم أشوفك ثاني قبالي ..   الأحد أغسطس 03, 2008 3:17 pm

رووووووووووووووووعه
والاروووع كااتبه الموووضوووع
بس الله يهديك انعمت عيوني وانا اقرا
خخخخخخخخخخخخخ

عسااااك ع القووه

_________________


خالطوا الناس مخالطه ..ان عشتم حنوا اليكم ..وان متم بكوا عليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
سنه سنتين اللي يهم أشوفك ثاني قبالي ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
k.s.a.starbucks :: منتدى القصيد وهمس القوافي-
انتقل الى: